रांची : पद्मश्री डॉ. रामदयाल मुंडाअ: 86 वां जयंती रेअः सुगड़ा दिन रे डॉ. रामदयाल मुंडा जनजातीय कल्याण शोध संस्थान मोराबादी, मुण्डारी साहित्य परिषद, रुम्बुल लोःते पद्मश्री डॉ. रामदयाल मुण्डा मुण्डा स्मृति मुण्डारी साहित्य सम्मान-2025 इसु रसिका ते मनातिङ होबा जाना। जुरा होरो आर टीम भेंर सड़ि तान लोःते जोअर जोअर गोआरी जोआर दुरङ ते स्वागत होबा जना। टीआरआई रेन उपनिदेशक मोनिका रानी टूटी ताकिन सोबेन कुपुलको जोआर दरोम तान लोः किन कजि केदा चि डॉ मुंडा सयोबअः कामि को जोगाव जोतोन आर आयार हरा रकाब नतेन कामि लगातिङआ। डॉ मुंडा सयोब तकिना होनते कोड़ा गुंजल इकिर मुंडा व्याख्यान रेआ: विषय प्रवेश रे काजि केदा चि तिसिङ आएआः कामि को रेआ: बारे तेबु जगार ताना। डॉ मुंडाआ: कामि रे सोबेन होड़ो कोआ: देंगाको ताइकेना।
कार्यक्रम रेन मुल कुपुल माइनन विधायक नमन विक्सन कोंगाड़ी ताकिन काजि केदा चि डॉ रामदयाल मुंडा गोमके आदिवासी कोआ अनुरूम देश दुनिया रे लेल रिका रेआ: मपराङ कामिकोएः कामि लेदा। एनेटे सत्र रे प्रो सत्यनारायण मुंडा सिदा कुलपति डीएसपीएमयू, राणेद्र कुमार सिदा निदेशक टीआरआई कर्मा जिम्पा भूटिया निदेशक टीआरआई नेलशन एओन बागे जेटीडीएस गणेश मुर्मू ताको सइति आर ससंकिर रेआ: बुगिन गोनोंआन जगारको जगार केदा।
अबुआ न्यूज़ पोर्टल रेआ: एनेटे माइनान विधायक आर गोमके कुंवर सिंह पाहनआ: ती ते होबा जाना। ने पोर्टल रे मुंडारी जगार ते खबरको छापाओअ।
सइति कमि नतेन पद्मश्री डॉ रामदयाल मुण्डा स्मृति मुण्डारी साहित्य सम्मान 2025 को मइनन मंगल सिह मुण्डा आर नवीन मुंडू गोमके ताकिन के शॉल, मोमेंटो, प्रशस्ति पत्र ओडो: पचीस हजार टाका रेअ: चेक नाम केदा. ने लो: ते एटअ: जनजातीय एवं क्षेत्रीय भाषा विभाग रेन सइति ओलोनहारिआको नागपुरी ते डॉ. खालिक अहमद, संताली ते डॉ. कृष्णा चन्द्र टूडू, कुडुख ते डॉ. हरि उरांव, खड़िया ते इलियास बा: ,हो ते डॉ. दमयन्ती सिंकु, कुड़माली ते डॉ एच. एन. सिह, , खोरठा रे डॉ. बी. एन ओहदार ओड़ो पंचपरगनिया ते डॉ. करम चन्द आहीर तको शॉल ओड़ो प्रशस्ति पत्र ते मइनसाम को ओम जाना।
क्विज, निबंध ओड़ो: कविता प्रतियोगिता को होबा जाना। ने प्रतियोगिता सम्मान नाम केद प्रतिभागी को क्विज रे प्रथम दिशा ओड़ेआ, द्वितीय बबली कुमारी, तृतीय दिव्यां रानी कान्डुलना निबंध प्रतियोगिता रे प्रथम सोमनी हेमरोम, द्वितीय बलराम मांझी तृतीय मुक्ता गुड़िया ओड़ो कविता रे प्रथम सुगामनीकुमारी, द्वितीय प्रियंका आईन्द, तृतीय सुदीप बरला दाड़ी जानकु पुरस्कार रूप ते मुंडारी टुंङकोढारी पुथि लोःते प्रमाण पत्र ओम केयाते को सम्मानित जाना।
एटा सत्र रे महादेव टोप्पोआ: अध्यक्षता ते सेसेन जाना। डॉ मनसिद्ध बड़ायऊद मनय मुंडा डॉ शांति खलखो विशेश्वर मुंडा डॉ खलिक अहमद डॉ हरि उरांव डॉ केसी टुडू ताको झारखंड रेआः साइति ओडोः ससांकिर रे सेंड़ान जगारको जगार केदा। ने जयंती रेआः कजि कमि डॉ मुंडाः ओड़ाःहोड़ो अमिता मुंडा सोमा सिंह मुंडा मेघनाथ डॉ बिरेन्द्र कुमार सोय सबरन मुंडा डॉ लखींद्र मुंडा डॉ पार्वती मुंडू डॉ जुरन सिंह मानकी डॉ करम सिंहमुंडा डॉ बंदे खलखो रूबी कुमारी राजु टोप्पो बिनाधर लेबयान एमान को ताइकेना। मंच संचालन डॉ अजीत मुंडा आर डॉ खातिर हेमरोम डॉ अलबा जोजो ओड़ोः जयमुनी बड़ायऊद सोबेन कोए जोआर रुआड़ केद कोआ.
